Við biðjum því viðskiptavini okkar að sýna biðlund ef ekki er náð að svara símanum fljótlega.

Kveðja,
Starfsfólk Ellingsen

Verið velkominn!

Veiðin snýst um að kasta, vona og landa. Auk þess er Kastað til bata tækifæri til að sameina líkamlega hreyfingu, kynnast konum með svipaða reynslu og síðast en ekki síst að finna þrótt, kraft og gleði í náttúrunni. Konur á öllum aldri sem eiga það eitt sameiginlegt að hafa greinst með brjóstakrabbamein upplifa að Kastað til bata snýst um það að hafa gaman af lífinu, takast á við það og sigra sjálfar sig.

Það gustaði um glaðar konur og það braut  í báru undan straumi, dagana 24.-25. maí 2011 þegar 14 konur sem lokið höfðu meðferð við brjóstakrabbameini tóku þátt í  ævintýrinu á  vegum Samhjálpar kvenna, Krabbameinsfélags Íslands og styrktaraðila. Þær nutu þess að vaða Sogið í Grímsnesinu, vatnsmestu lindá landsins, kasta línu undir frábærri leiðsögn hæfra leiðsögumanna og  veita tilhugalífi svananna athygli, sjá selinn sem var á undan þeim og finna fyrir vináttu, gleði og slökun.
Við viljum þakka þér og þínu fyrirtæki sérstaklega fyrir að leggja hönd á plóginn, án ykkar krafta hefði þessi ferð ekki verið möguleg.
Við sendum  ykkur okkar bestu kveðjur með orðum frá þátttakendum Kastað til bata 2011
,,Ég er búin að fara og kaupa mér veiðikort til þess að geta farið að æfa mig og halda við því sem við lærðum af þessum góðu veiðimönnum sem voru svo duglegir að kenna okkur, þetta var mikil upplifun fyrir mig að fara út í Sogið og æfa köstin.  Það var mikið sem við gerðum  á þessum tveimur dögum, frábær matur‘‘ .
,,Vissi fyrirfram að þetta yrði bæði skemmtilegt og frábært í alla staði en þetta fór fram úr öllu því sem ég vænti. Dásamlegt, fullkomið’’.  …ég er ótrúlega, ótrúlega þakklát og hamingjusöm að hafa fengið þetta tækifæri… þakklát fyrri allt sem fyrir mig hefur verið gert.  Þakkir og aftur þakkir fyrir þessa dásemdardaga‘‘

Með hjartans kveðjum og miklu þakklæti,
fyrir hönd Krabbameinsfélags Íslands og þátttakenda
Ragnheiður Haraldsdóttir
Forstjóri Krabbameinsfélags Íslands
Ásdís Káradóttir
hjúkrunarfræðingur Ráðgjafarþjónustu KÍ

Eftirtaldir styrktaraðilar stóðu að verkefninu:
Stangveiðifélag Reykjavíkur, Kaupás – Krónan gaf allan matinn. Heilsa gaf allar döðlur, hnetur, krydd og miklu meira, guðdómlega  hollustu sem naut mikillar hylli. Norðanfiskur  gaf bleikjuna, Vífilfell  alla drykki. Lambhagi allt ferska salatið, Grímsbær gaf okkur daglega brauðið. Bragð í baráttunni, lagði til uppskriftir.  Ellingsen sá um græjurnar. Veiðihornið gaf flugur og box, Palli tannlæknir gaf okkur Brostu- derhúfur,  Bryndís Ólafsdóttir, sjúkraþjálfari á Selfossi kom og  fræddi okkur. Aðrir sem studdu verkefnið eru Landsnet, Samhjálp kvenna, Krabbameinsfálagið,  Arion banki, Veritas Capital, Rapala, Aveda, L´occitane,  Kastað til bata 2010. Leiðsögumennirnir: Ólafur Kr. Ólafsson, Hjörleifur Steinarsson, Hörður B.Hafsteinsson, Gísli Rúnar Guðmundsson, Guðmundur Bjarnason, Gunnar Sigurðsson og  Jón Þór Guðmundsson.  Kvenfélag  Grímsneshrepps, Jón B. Stefánsson formaður krabbameinsfélags Suðurlands, Rapala, landeigendur að Bíldsfelli.
Við færum ykkur öllum okkar innilegasta þakklæti.

Kastað til bata

- Seinustu tvö tímabil voru erfið fyrir markaðinn, en þau voru fín hjá okkur, segir Helmer Schimdt frá Adria Caravan og heldur áfram

- Við erum að sjá að Danir eru fyrir alvöru að opna augun fyrir mörgum gæðum Adria, og erum við að sjálfsögðu mjög ánægðir með það. En við höfum ekki hugsað okkur að slaka neitt á, heldur vinna að því að bjóða upp á alvöru hjólhýsi og halda áfram með lygilega góð verð.

Mikið af dönskum hugmyndum í Adria vögnum

Innflutningsaðili Adria í Danmörku hefur í gegnum árin átt í nánu samstarfi við verksmiðju Adria og þróunardeild þeirra, og hefur haft mikil áhrif á hönnun, innréttingar og notagildi – að sjálfsögðu í fullri samvinnu við hönnuði Adria. Mikið af búnaði og eiginleikum eru í raun byggðir á grunni og reynslu danska Adria hópsins.

Nú þegar að nýji og sterki 2011 árgangurinn er að hleypa af stokkunum trúir Helmer Schimdt að þessi jákvæða þróun og góða markaðshlutdeild haldist út næsta tímabil.

- Það er allavega ekki færri góðar ástæður til að velja Adria umfram aðra góðar tegundir vagna, endar hann með brosi.

Upplifðu sjálf/ur alvöru Adria hjólhýsi hjá okkur í Ellingsen þar sem 2011 árgerðin, sem við flytjum inn frá Danmörku, er til sýnis og sölu núna.

Sala á hjólhýsum í danmörku

Veðrið og færðin gerði ferðina skemmtilega en jafnframt krefjandi fyrir bæði menn og fjórhjól. Undirritaður var á Can-Am Outlander LTD og kom fjórhjólið skemmtilega á óvart. Flott fjöðrun og mjög þægilegt stýrið gerði það að verkum að þó svo að maður teljist ekki með allra reyndustu mönnum þá lét hjólið vel að stjórn við erfiðustu aðstæður. Þar sem að það var töluverð bleyta þá lentum við í reglulega mikilli drullu og var ótrúlegt hvað þessum fjórhjólum tókst að komast áfram.
En þegar hjólin voru í fjórhjóladrifinu og lága drifinu þá er greinilega fátt sem stoppar þau. Þægindin voru heldur ekki af verri endanum og skal taka það fram að fyrir mann sem teljist frekar handkaldur þá kom hitin í handföngum og bensíngjöf sér verulega vel!

Ferðafélagar okkar frá Kyndli voru greinilega mjög færir enda voru þeir mjög snöggir yfirferðar, sem kemur sér bara vel þegar þörf er á vöskum björgunarsveitarmönnum til leitar við allskyns aðstæður.
Fór það samt ekkert á milli mála að þeir báru virðingu fyrir náttúrunni og pössuðu menn sig vel á því að halda sig innan slóða.
Fengu nokkrir að prófa Can-Am Outlander og eins og sést á neðangreindu myndbandi þá var ekkert gefið eftir og ekki að sjá annað en að þetta volduga fjórhjól standi vel undir væntingum.

Við hjá Ellingsen viljum þakka ferðafélögum okkar frá Björgunarsveitinni fyrir skemmtilegan dag.

Aðrar útfærslur af byssunni geta tekið skot allt að 3,5”. Byssunni fylgir ólarfesting, 3 þrengingar og lykill fyrir þrengingar.

Winchester Sx3 fæst að sjálfsögðu í Ellingsen.

Björgunarsveitir prufa Can Am Outlander

Laugardaginn 6 nóvember komu góðir gestir í Ellingsen til að prufukeyra nýja Can Am 800 ltd Outlander árgerð 2011.

Það voru aðilar í Björgunarsveitunum Blakk á Patreksfirði og Björgunarsveitinni Tálkna á Tálknafirði sem keyrðu hjólið upp um hlíðar Úlfarsfells og fengu að finna mun á Can Am 800ltd outlander árg. 2009 og Can Am 800ltd Outlander árg. 2011 hjólunum.

Megin munur þessara tækja er rafmagnsstýri á 2011 hjólinu og loftdemparar sem er ekki á 2009 hjólinu. Það var mál manna að Outlander 2011 henti mun betur í slóðaleit þar sem ökumaður er miklu afslappaðri á því fjórhjóli heldur en á eldri árgerð vegna þess að hjólið er ekki að „refsa“ mönnum þegar það er keyrt.  Ökumanni ásamt farþega líður vel á fjórhjólinu  þegar fara þarf hratt yfir og hefur Can Am Outlander 800 ltd. yfirburði í mýkt og snerpu. Burðargetan á nýja hjólinu er rúmlega 270 kg og þegar pallur er settur á hjólið eða vatnsheldu boxin, þá er mjög þægilegt að ferja búnað á því.

Ellingsen getur boðið uppá allan útbúnað á fjórhjólin, s.s Tetra stöð, blikkljós ásamt þeim rafbúnaði sem þarf að bæta í fyrir björgunarsveitir, skjólfatnað frá t.d. Scott og hjálma.

Ellingsen er einnig það vel búin að hafa í sínum röðum þrjá björgunarsveitamenn, Arnar í sleðahóp Flugbjörgunarsveitarinnar í Reykjavík sem er ávallt tilbúinn til skrafs og ráðagerðar, sér um sérpantanir á þjónustuverkstæði Ellingsen,  Karl Helgi í tækjahóp Björgunarsveitarinnar Kyndli í Mosfellsbæ sölumaður sleða og fjórhjóla, veit sínu viti í þessum efnum og Ásbjörn Þór Björgunarsveitinni Ársæl og Leitarhundum S.L sölumaður útivist og ferðavara eru boðnir og búnir að aðstoða á allan þann hátt sem viðskiptavinir óska.

Það er ekki slæmt að eiga snjótönn á fjórhjólið sbr. þessi mynd

og þetta er jafnvel fjáröflun fyrir björgunarsveitir á landsbyggðinni.

Myndir af prufu keyrslunni er hægt að sjá á facebook síðu Ellingsen

Búðin er sprengsfull af vörum á tilboði frá 15% til 70% af verði og valdar vörur frá Columbia eru á 80% afslætti.

Eins og áður þá fara „góðu bitarnir“ fyrst og því gildir „fyrstir koma fyrstir fá“.

Ef þú ert að fara í útilegu og vantar Coleman gæðastól og skvísu með kæli  þá er rétt að kíkja við á Fiskislóðina, nú eða vantar þig tjald? Fellihýsin hafa rokið út í sumar og allur viðlegubúnaður en við eigum enn fjöldann allan af vörum fyrir þig á Sumarmarkaðnum.

Ertu að fara í veiði? Strákarnir í veiðideildinni hafa dregið þá nokkra úr ám landsins í sumar og vilja ólmir segja þér frá því, góð veiðisaga er aldrei betri en þegar fjöldinn heyrir! Loop er á tilboði og allar aðrar stangveiðivörur og þeir í sumarskapi.

Fyrir gönguferðina þá eru starfsmenn Ellingsen tilbúnir að aðstoða þig að finna rétta fatnaðinn, hvort sem þú ætlar uppá Esju eða á Hornstrandir. Frá sokkum og upp í húfu.. (þarf hana á sumrin? ) að sjálfsögðu er Devold undirfatnaður á tilboði.

Degi er að farið að halla og nú þegar rómantískasti tími ársins er að hefjast með sinni fallegu birtu þá er ekki slæmt að vera með góð ljós af Sumarmarkaðnum.

Er fyrirhuguð ferð á Fjórhjóli um landið í ágúst en vantar hjólið? Komdu við og strákarnir í ferðatækjum taka vel á móti þér með kaffi og kræsnar sögur, já eða frábær tilboð.

Nú fer senn að líða að skotveiðitímabilinu og því er lag að skoða og yfirfara skotvopnin. Athuga hvað það er sem vantar, er hanskinn síðan í fyrra týndur? Eða varstu ekki nógu vel falinn í fyrra? Jói byssusmiður veit eitt og annað í því samhengi. Á Sumarmarkaði mælum við með liggibyrgi fyrir næstu vertíð.

Sumarmarkaðurinn stendur fram að verslunarmannahelgi og nú er rétti tíminn að ná í vörur sem vantar fyrir síðustu ferðir sumarsins þótt að við ferðumst um landið allt árið.

Njótum ferðalagsins og göngum um landið með virðingu og tryggjum öryggi alla leið.