Nýtt vörumerki í Ellingsen

Birt: 02/11 2011

Nú höfum við tekið inn nýjar vörur frá Mountain Hardware sem er fyrirtæki sem leggur mikla áherslu á að bjóða upp á vandaðar vörur fyrir kröfuhart fjallafólk. Mountain Hardware útivistarvörurnar eru meðal annars útivistarfatnaður fyrir karla, konur og börn. Einnig tjöld, svefnpokar, bakpokar sem eru sérhannaðar vörur til að takast á við hvað erfiðar aðstæður á fjöllum.
Mountain Hardware heldur uppi háðum gæðastaðli með því að sameina nýjungar og með sérstakri áherslu á smáatriðin. Það að þeir bjóði æviábyrgð á sínum vörum segir segir það sem þarf um þeirra metnað um að bjóða upp á hágæða vörur. Nú þegar eru komnar nokkrar vörur til sýnis og sölu í verslun okkar að Fiskislóð 1 og munum við svo vöruúrvalið aukast jafnt og þétt með haustinu.

Ellingsen leggur höfuðáherslu á að hafa ávallt vandaðar og hagstæðar vörur á boðstólnum og fellur Mouintain Hardware vel inn í það magnaða vöruúrval sem er nú þegar til boða.






Vinningshafar á Facebook

Birt: 03/01 2011

Starfsfólk Ellingsen óskar eftirfarandi vinningshöfum til hamingju með gjafabréfin:


Ása Þorsteinsdóttir
Hulda Pálsdóttir
Helgi Sveinbjörnsson


Við vonum að þau hafi komið að góðum notum.


Um leið óskum við öllum viðskiptavinum og velunnurum Ellingsen gleðilegs árs.



Jólagjafaleikur á Facebook síðu Ellingsen

Birt: 10/12 2010

Jólagjöfin fæst í Ellingsen

Nú í desember munum við draga út gjafabréf upp á kr. 25.000,- í hverri viku fram að jólum. Það eina sem þarf að gera er að „líka við“ og skrifa á vegginn á Facebook síðu Ellingsen hvað frá Ellingsen er á óskalistanum þínum fyrir jólin.


Nú þegar er komið inn fullt af jólagjafahugmyndum.


Það var Ása Þorsteinsdóttir sem vann kr. 25.000,- í gjafabréf í Ellingsen þessa fyrstu vikuna. Hún óskaði sér úlpu, gönguskó og fleira í jólagjöf.

Til hamingju Ása.


Jólakveðja,

Starfsfólk Ellingsen

Sumarmarkaður Ellingsen 22. júlí til 6. ágúst

Birt: 22/07 2010

Hinn árlegi Sumarmarkaður Ellingsen er hafinn!


Búðin er sprengsfull af vörum á tilboði frá 15% til 70% af verði og valdar vörur frá Columbia eru á 80% afslætti.


Eins og áður þá fara „góðu bitarnir“ fyrst og því gildir „fyrstir koma fyrstir fá“.


Ef þú ert að fara í útilegu og vantar Coleman gæðastól og skvísu með kæli  þá er rétt að kíkja við á Fiskislóðina, nú eða vantar þig tjald? Fellihýsin hafa rokið út í sumar og allur viðlegubúnaður en við eigum enn fjöldann allan af vörum fyrir þig á Sumarmarkaðnum.


Ertu að fara í veiði? Strákarnir í veiðideildinni hafa dregið þá nokkra úr ám landsins í sumar og vilja ólmir segja þér frá því, góð veiðisaga er aldrei betri en þegar fjöldinn heyrir! Loop er á tilboði og allar aðrar stangveiðivörur og þeir í sumarskapi.


Fyrir gönguferðina þá eru starfsmenn Ellingsen tilbúnir að aðstoða þig að finna rétta fatnaðinn, hvort sem þú ætlar uppá Esju eða á Hornstrandir. Frá sokkum og upp í húfu.. (þarf hana á sumrin? ) að sjálfsögðu er Devold undirfatnaður á tilboði.


Degi er að farið að halla og nú þegar rómantískasti tími ársins er að hefjast með sinni fallegu birtu þá er ekki slæmt að vera með góð ljós af Sumarmarkaðnum.

Er fyrirhuguð ferð á Fjórhjóli um landið í ágúst en vantar hjólið? Komdu við og strákarnir í ferðatækjum taka vel á móti þér með kaffi og kræsnar sögur, já eða frábær tilboð.


Nú fer senn að líða að skotveiðitímabilinu og því er lag að skoða og yfirfara skotvopnin. Athuga hvað það er sem vantar, er hanskinn síðan í fyrra týndur? Eða varstu ekki nógu vel falinn í fyrra? Jói byssusmiður veit eitt og annað í því samhengi. Á Sumarmarkaði mælum við með liggibyrgi fyrir næstu vertíð.


Sumarmarkaðurinn stendur fram að verslunarmannahelgi og nú er rétti tíminn að ná í vörur sem vantar fyrir síðustu ferðir sumarsins þótt að við ferðumst um landið allt árið.

Njótum ferðalagsins og göngum um landið með virðingu og tryggjum öryggi alla leið.

Nýjar vörur daglega

Birt: 09/04 2010

Það er hamagangur í öskjunni þessa dagana því verið er að taka nýjar vörur uppúr kössum og koma þeim fyrir í hillur. Á þessum tíma ársins víkja vetrarvörur fyrir sumarvörum og alltaf gaman að sjá hvað kemur uppúr kössunum. Fyrir skömmu settum við í hillurnar og á vefsíðuna skólínu sumarsins frá Columbia. Þar eru um breiða flóru að ræða allt frá léttum sport- og gönguskóm uppí háa og mikla gönguskó fyrir erfiða slóða. Nú er einnig kominn á slár og í hillur fatnaður frá Didriksons. Á meðfylgjandi myndum má sjá nokkra jakka og galla frá þessum norska framleiðanda. Við leyfum ykkur að fylgjast með því sem við setjum í hillurnar á næstu dögum.





« Eldri