Can-am kynnir Side by Side fjórhjól

Birt: 18/08 2010

Can-am fjórhjóla framleiðandinn hefur bætt við nýjung í vörulínuna sína en það eru svokölluð „side-by-side“ fjórhjól. Það er á góðri íslensku einfaldlega stækkuð útgáfa af fjórhjóli með tveimur sætum hlið við hlið. Það er vissulega algengt að tveir ferðist um á fjórhjólum en það er þá þannig að annar situr fyrir aftan hinn á hnakki tækisins. Það má þá gera ráð fyrir því, svona séð úr fjarlægð a.m.k. að betur fari um farþega á þessu tæki. Stjórntækin á fjórhjólinu eru einnig með breyttu móti en þau líkjast því sem við eigum að venjast í bílum, þ.e.a.s. hringlaga stýri og bensíngjöf í gólfinu.


Helst minnir tækið á strandbíla(buggy) eins og sjá má víða á ströndum erlendis. Það er skiljanlegt af hverju þau tæki hafa ekki náð vinsældum hér á landi en þessi nýjung hentar hinsvegar vel íslenskum aðstæðum. Fjórhjólið kemur í nokkrum útgáfum en þær má sjá hér. Það fer í sölu í Evrópu í vor en ekki er hægt að gefa upp með vissu hvaða tæki af þessum sem má sjá á heimasíðu Can-am verða til sölu á Íslandi. Ellingsen bloggið mun að sjálfsögðu leyfa ykkur að fylgjast með hvað innkaupum á þessu nýja tæki varðar.

Sumarmarkaður Ellingsen 22. júlí til 6. ágúst

Birt: 22/07 2010

Hinn árlegi Sumarmarkaður Ellingsen er hafinn!


Búðin er sprengsfull af vörum á tilboði frá 15% til 70% af verði og valdar vörur frá Columbia eru á 80% afslætti.


Eins og áður þá fara „góðu bitarnir“ fyrst og því gildir „fyrstir koma fyrstir fá“.


Ef þú ert að fara í útilegu og vantar Coleman gæðastól og skvísu með kæli  þá er rétt að kíkja við á Fiskislóðina, nú eða vantar þig tjald? Fellihýsin hafa rokið út í sumar og allur viðlegubúnaður en við eigum enn fjöldann allan af vörum fyrir þig á Sumarmarkaðnum.


Ertu að fara í veiði? Strákarnir í veiðideildinni hafa dregið þá nokkra úr ám landsins í sumar og vilja ólmir segja þér frá því, góð veiðisaga er aldrei betri en þegar fjöldinn heyrir! Loop er á tilboði og allar aðrar stangveiðivörur og þeir í sumarskapi.


Fyrir gönguferðina þá eru starfsmenn Ellingsen tilbúnir að aðstoða þig að finna rétta fatnaðinn, hvort sem þú ætlar uppá Esju eða á Hornstrandir. Frá sokkum og upp í húfu.. (þarf hana á sumrin? ) að sjálfsögðu er Devold undirfatnaður á tilboði.


Degi er að farið að halla og nú þegar rómantískasti tími ársins er að hefjast með sinni fallegu birtu þá er ekki slæmt að vera með góð ljós af Sumarmarkaðnum.

Er fyrirhuguð ferð á Fjórhjóli um landið í ágúst en vantar hjólið? Komdu við og strákarnir í ferðatækjum taka vel á móti þér með kaffi og kræsnar sögur, já eða frábær tilboð.


Nú fer senn að líða að skotveiðitímabilinu og því er lag að skoða og yfirfara skotvopnin. Athuga hvað það er sem vantar, er hanskinn síðan í fyrra týndur? Eða varstu ekki nógu vel falinn í fyrra? Jói byssusmiður veit eitt og annað í því samhengi. Á Sumarmarkaði mælum við með liggibyrgi fyrir næstu vertíð.


Sumarmarkaðurinn stendur fram að verslunarmannahelgi og nú er rétti tíminn að ná í vörur sem vantar fyrir síðustu ferðir sumarsins þótt að við ferðumst um landið allt árið.

Njótum ferðalagsins og göngum um landið með virðingu og tryggjum öryggi alla leið.

Nýir sölumenn í Ellingsen

Birt: 19/03 2010

Nú hafa bæst í hóp sölumanna Ellingsen tveir reynslumiklir menn á sínum sviðum. Það eru þeir Karl Helgi Jónsson og Benedikt Ragnarsson. Karl mun starfa í ferðatækjadeild þá aðalega við sölu á vélsleðum og fjórhjólum en Benedikt í stangveiðideild.


Karl er mikill áhugamaður um vélsleðasportið og hefur stundað það mikið síðustu ár. Hann situr í stjórn LÍV (Landsamband íslenskra vélsleðamanna) og hefur gert það síðastliðin tvö ár. Hann er einnig meðlimur í Björgunarsveitinni Kyndill í Mosfellsbæ. Karl er áhugamaður um hunda og þjálfun þeirra og á Dobermann hund. Hann situr í stjórn Aftureldingar í kvennafótboltanum en þær leika í efstu deild.




Benedikt er okkur að góðu kunnur því hann starfaði áður hjá Ellingsen við innkaup eftir að verslun hans Útivist og veiði var keypt af Ellingsen árið 2006. Hann er sannkallaður hvalreki á fjörur okkar því Benni eins og hann er jafnan kallaður er mikill reynslubolti í stangveiði. Hann er fæddur á bökkum einnar fegurstu Laxveiðiáar á Íslandi, Miðfjarðará og hefur verið með veiðidellu frá unga aldri. Hann gerðist leiðsögumaður 17 ára gamall og hefur verið það meira og minna öll sumur síðan þá. Benni er sérlegur aðdáandi Loop stangveiðivara sem hafa í gegnum tíðina verði þekkt fyrir áræðanleika og endingu. Hann leggur einnig metnaði í fluguborðið og því mun verða vel við haldið lofar hann.


Við óskum þessum nýju starfsmönnum góðs gengis í starfi.

Góð mæting á opið hús hjá þjónustuverkstæði

Birt: 16/03 2010

Fyrir nokkrum dögum buðum við gestum og gangandi að skoða nýja þjónustuverkstæði Ellingsen. Fjölmargir komu og þáðu kaffi, kleinur og fleira meðlæti og spjölluðu við starfsmenn sem allir eru sérfræðingar á sínu sviði. Nokkrir vélsleðar og fjórhjól voru á gólfinu þennan dag og mikið var rýnt ofan í vélar þeirra og fylgihlutir skoðaðir. Gestum bauðst að fá ráðgjöf hjá starfsmönnum þjónustuverkstæðisins og fjölmargir nýttu sér það. Eins og sjá má á myndunum á næstu síðu voru gestir á öllum aldri og litu út fyrir að skemmta sér konunglega.

(meira …)

Þjónustuverkstæðið býður í kaffi og kleinur

Birt: 02/03 2010

Það er búið að vera mikið í gangi undanfarna mánuði við að koma upp þjónustuverkstæði Ellingsen að Vatnagörðum 12. Þó verkstæðið hafi verið opnað í byrjun janúar eins og stefnt var að stóðu iðnaðarmenn í ströngu næstu vikurnar við að setja upp lager og annað sem tilheyrir starfsemi sem þessari. Nú ætlum við að gera okkur glaðan dag og opna þjónustuverkstæðið með pompi og prakt með því að bjóða uppá kaffi og kleinur fimmtudaginn 4. mars frá klukkan 15-20. Þar gefst ykkur tækifæri til að sjá nýju aðstöðuna okkar og fá ráðgjöf frá sérfræðingum okkar. Við verðum með 20% afslátt af beltum og sannkallað grínverð á uppítökubeltum eða 9.900 – 19.900 kr. Smellið hér til að sjá kort af staðsetningu þjónustuverkstæðisins.

« Eldri