Prufukeyrsla Can Am 800ltd Outlander
Birt: 08/11 2010
Björgunarsveitir prufa Can Am Outlander
Laugardaginn 6 nóvember komu góðir gestir í Ellingsen til að prufukeyra nýja Can Am 800 ltd Outlander árgerð 2011.
Það voru aðilar í Björgunarsveitunum Blakk á Patreksfirði og Björgunarsveitinni Tálkna á Tálknafirði sem keyrðu hjólið upp um hlíðar Úlfarsfells og fengu að finna mun á Can Am 800ltd outlander árg. 2009 og Can Am 800ltd Outlander árg. 2011 hjólunum.
Megin munur þessara tækja er rafmagnsstýri á 2011 hjólinu og loftdemparar sem er ekki á 2009 hjólinu. Það var mál manna að Outlander 2011 henti mun betur í slóðaleit þar sem ökumaður er miklu afslappaðri á því fjórhjóli heldur en á eldri árgerð vegna þess að hjólið er ekki að „refsa“ mönnum þegar það er keyrt. Ökumanni ásamt farþega líður vel á fjórhjólinu þegar fara þarf hratt yfir og hefur Can Am Outlander 800 ltd. yfirburði í mýkt og snerpu. Burðargetan á nýja hjólinu er rúmlega 270 kg og þegar pallur er settur á hjólið eða vatnsheldu boxin, þá er mjög þægilegt að ferja búnað á því.
Flokkur: Ferðatæki, Fjórhjól, Ýmislegt | | Engar athugasemdir »
Sumarmarkaður Ellingsen 22. júlí til 6. ágúst
Birt: 22/07 2010
Hinn árlegi Sumarmarkaður Ellingsen er hafinn!
Búðin er sprengsfull af vörum á tilboði frá 15% til 70% af verði og valdar vörur frá Columbia eru á 80% afslætti.
Eins og áður þá fara „góðu bitarnir“ fyrst og því gildir „fyrstir koma fyrstir fá“.
Ef þú ert að fara í útilegu og vantar Coleman gæðastól og skvísu með kæli þá er rétt að kíkja við á Fiskislóðina, nú eða vantar þig tjald? Fellihýsin hafa rokið út í sumar og allur viðlegubúnaður en við eigum enn fjöldann allan af vörum fyrir þig á Sumarmarkaðnum.
Ertu að fara í veiði? Strákarnir í veiðideildinni hafa dregið þá nokkra úr ám landsins í sumar og vilja ólmir segja þér frá því, góð veiðisaga er aldrei betri en þegar fjöldinn heyrir! Loop er á tilboði og allar aðrar stangveiðivörur og þeir í sumarskapi.
Fyrir gönguferðina þá eru starfsmenn Ellingsen tilbúnir að aðstoða þig að finna rétta fatnaðinn, hvort sem þú ætlar uppá Esju eða á Hornstrandir. Frá sokkum og upp í húfu.. (þarf hana á sumrin? ) að sjálfsögðu er Devold undirfatnaður á tilboði.
Degi er að farið að halla og nú þegar rómantískasti tími ársins er að hefjast með sinni fallegu birtu þá er ekki slæmt að vera með góð ljós af Sumarmarkaðnum.
Er fyrirhuguð ferð á Fjórhjóli um landið í ágúst en vantar hjólið? Komdu við og strákarnir í ferðatækjum taka vel á móti þér með kaffi og kræsnar sögur, já eða frábær tilboð.
Nú fer senn að líða að skotveiðitímabilinu og því er lag að skoða og yfirfara skotvopnin. Athuga hvað það er sem vantar, er hanskinn síðan í fyrra týndur? Eða varstu ekki nógu vel falinn í fyrra? Jói byssusmiður veit eitt og annað í því samhengi. Á Sumarmarkaði mælum við með liggibyrgi fyrir næstu vertíð.
Sumarmarkaðurinn stendur fram að verslunarmannahelgi og nú er rétti tíminn að ná í vörur sem vantar fyrir síðustu ferðir sumarsins þótt að við ferðumst um landið allt árið.
Njótum ferðalagsins og göngum um landið með virðingu og tryggjum öryggi alla leið.
Flokkur: Fatnaður, Ferðatæki, Ferðavörur, Fjórhjól, Skotveiði, Skór, Stangveiði, Ýmislegt | | Engar athugasemdir »
Grillin frá Ellingsen nota Smellugas Olís
Birt: 26/05 2010
Grillin sem seld eru í Ellingsen eru með þrýstijafnara fyrir Smellugas Olís. Okkur þykir því við hæfi að kynna örlítið þessa nýjung á gasmarkaði á Ellingsenblogginu. Það eru kannski ekki allir sem vita og ágætt að það komi fram að Olís sem selur Smellugasið er móðurfyrirtæki Ellingsen.
Innihald Smellugaskútanna þ.e.a.s. gasið er það sama og verið hefur í notkun á Íslandi í gegnum tíðina eða svokallað própan gas og engin breyting þar á. Munurinn á Smellugaskútunum og kútunum frá Gasfélaginu sem Olís seldi áður er hinsvegar sá að á Smellugaskútunum er hálsinn gerður fyrir aðra tegund af þrýstijafnara sem er smellt á kútinn í stað þess að vera skrúfaður á hann.
Þetta kerfi þekkja margir Íslendingar því það var notað hér á landi áður fyrr ásamt því skrúfaða.
Flokkur: Bakgarðurinn, Ferðatæki | Efni: gasvörur, Grill, Smellugas | Engar athugasemdir »
Sýning á nýjum ferðatækjum
Birt: 21/04 2010
Við höfum tekið á móti fjölda fólks undanfarna daga sem hafa sýnt nýju ferðatækjunum okkar mikinn áhuga. Til að svara eftirspurn eftir minni tækjum tókum við inn nýja týpu af Coleman fellihýsi sem kallast Sedona og einnig kynnum við í fyrsta skipti á Íslandi minni útgáfuna af Aliner a-hýsinu sem kallast Classic. Það þarf ekkert að fara í grafgötur með það að gengi íslensku krónunar hefur áhrif á val fólks þegar kemur að ferðatækjum í dag og því má búast við því að minni tæki verði eftirsóttari en áður. Það er þá ekki þar með sagt að einhverju sé til sparað við gerð þessara tækja því þau eru í hæsta gæðaflokki. Einungis hefur verið til sparað í stærð þeirra en ekki gæðum. Til viðbótar við þessar nýju týpur erum við með til sölu gömlu góðu týpurnar sem hafa verið í sölu hjá okkur í gegnum árin og reynst vel við íslenskar aðstæður.
Við höfum einnig fengið nýja sendingu af hinum ýmsu aukahlutum fyrir ferðatækið, sjá hér. Einnig erum við með helling af nýjum vörum fyrir ferðalagið, sjá hér og gildir þá einu hvaða vistarverur fólk notar í ferðalaginu. Það er spennandi að skoða úrvalið hjá okkur af nýjum vörum og máta sig í nýjum ferðatækjum. Það er lokað hjá okkur á morgun sumardaginn fyrsta en við minnum á að við erum með opið á laugardögum frá 10:00 til 16:00.
Gleðilegt sumar 
Flokkur: Ferðatæki, Ferðavörur | Efni: Aliner, Ferðamennska, Fleetwood | Engar athugasemdir »
Góð mæting á opið hús hjá þjónustuverkstæði
Birt: 16/03 2010
Fyrir nokkrum dögum buðum við gestum og gangandi að skoða nýja þjónustuverkstæði Ellingsen. Fjölmargir komu og þáðu kaffi, kleinur og fleira meðlæti og spjölluðu við starfsmenn sem allir eru sérfræðingar á sínu sviði. Nokkrir vélsleðar og fjórhjól voru á gólfinu þennan dag og mikið var rýnt ofan í vélar þeirra og fylgihlutir skoðaðir. Gestum bauðst að fá ráðgjöf hjá starfsmönnum þjónustuverkstæðisins og fjölmargir nýttu sér það. Eins og sjá má á myndunum á næstu síðu voru gestir á öllum aldri og litu út fyrir að skemmta sér konunglega.