Tear-aid B

Þetta er frábær viðbót í flóru Ellingsen, og á heima í bakpoka útivistar-, veiði-, vélsleða- , fjórhjóla-,  og ferðafjölskyldna. Staðbundnar viðgerðir verður leikur einn þegar Tear-Aid er með í för. Tvær týpur eru af þessum plástri, A – og B – týpur. A-týpan er fyrir nánast öll efni fyrir utan PVC og Vinyl og B- týpan er fyrir PVC og Vinyl. Nú skiptum við út duct teipum og notum varanlegar lausnir þegar við lendum í vandræðum á fjöllum eða í fjöru.

Frábært viðgerðarefni á nánast allt. Lagar göt á rifur, þannig að ekki rifnar meir. Tjald, bíltoppur, bakpokinn, sætisáklæði, leður, vöðlur, fatnaður, loftdýnur, markísur, ofl. Hvort sem er fyrir PVC/VINYL eða annað.

Tear-Aid er ómissandi viðgerðaplástur fyrir nánast allt í leik og / eða starfi.
Tear-Aid er gríðalega sterkur og endingargóður gegnsær plástur sem notaður er til viðgerðar á rifum og götum á nánast öllum efnum og mjög teygjanlegt. Tear-Aid er ekki tímabundin lausn heldur varanleg viðgerð sem á heima í öllum viðlegubúnaði, í bílnum, bátnum, heima og að heiman.  Tear-Aid er notað til viðgerðar á meðal annars tjöldum, bakpokum, útivistarfatnaði, regnfatnaði, öllum „tex“ fatnaði,  svefnpokum, dúnúlpum, jökkum, töskum, upplásanlegum dýnum, bátum, sundkútum ofl. Einnig  hentar plásturinn á vörur  úr áli, ryðfríu stáli, trefjaplasti og fleira. Tear-Aid er í tveim tegundum A og B. Báðar gerðir hafa sömu einskaklega eiginleika nema þeir geta verið notaðir á mismundandi efni.

Helstu eiginleikar: Auðvelt í meðhöndlun, mjög sterkt, vatnsþétt, loftþétt, mjög teygjanlegt, eyðist ekki, verulega fjölhæft, þornar ekki, varanlegt

Það eru spennandi hlutir að gerast í grillbransanum ef svo má að orði komast því Olís, móðurfyrirtæki Ellingsen hefur innleitt nýja gaskúta og þrýstijafnara sem kallast Smellugas, upplýsingar um það má finna á Smellugas.is. Grillin sem seld eru í Ellingsen eru öll útbúin fyrir Smellugas, sjá grill.

Okkur langar að deila með ykkur nokkrum punktum um það hvernig á að meðhöndla grillið svo það endist sem best og eldamennskan verði sem ánægjulegust á hreinu grilli.

Eftir notkun

Þú átt að umgangast grillið eins og bakarofninn, pottana og pönnurnar á heimilinu. Eftir hverja notkun þarf að þrífa grindurnar og mikilvægt er að hreinsa reglulega fitu úr botninum. Sumir kvarta yfir því að það kvikni eldur þegar verið er að grilla en ástæðan er oftast sú að það kviknar í fitunni sem safnast hefur fyrir. Gott er að hafa grillið í gangi í 10 mínútur eftir að matreiðslu er lokið til að brenna fituna. Það er mjög gott að setja hlíf yfir grillið þegar það er ekki í notkun og nauðsynlegt fyrir þá sem geyma grillið úti yfir veturinn.

Eldunarfletir

Hreinsaðu krómaða fleti með sápuvatni. Þurrkaðu vandlega og geymdu grindina inni þangað til grillað er næst. Best er að þrífa keramikfleti með sápuvatni. Þvoðu steypujárnið úr sápuvatni. Þerraðu vandlega og berðu dálítið af jurtaolíu á svæðið. Best er að þrífa steypujárnið eftir hverja notkun.

Hreinsun brennara og annars búnaðar

Hreinsaðu brennarann á tveggja til þriggja mánaða fresti. Stíflanir í blendipípunum gætu valdið íkveikju. Slökktu tafarlaust á grillinu ef eldur kviknar í blendipípunum.

Grillið geymt

Ef þú geymir grillið innandyra er áríðandi að taka gaskútinn frá grillinu og geyma hann utandyra þar sem sól nær ekki að skína beint á hann og fjarri eldfimum efnum. Geymdu gaskútinn ekki í kjallara, óloftræstu rými eða þar sem börn ná til hans.
Ef þú ætlar að geyma grillið til langtíma t.d. yfir veturinn er gott að hreinsa ristarnar, fjarlægja brenninn og bera á matarolíu. Þessa hluta skalltu geyma innandyra þó svo í lagi sé að geyma sjálft grillið úti ef þú setur hlíf á það.
Ef þú geymir grillið úti er gott að binda grillið við t.d. svalahandrið þannig að það eigi ekki á hættu á að fjúka um koll í miklu roki.

Grillið þrifið að innan

Fjarlægðu efsta hlutann af grillinu (eldunarflötinn og geislaplötu). Hreinsaðu grillið að innanverðu og botninn með grillhreinsilegi samkvæmt leiðbeiningum á grillhreinsibrúsanum. Hreinsaðu fituna af glugganum á grillinu með þar til gerðum hreinsilegi og notaðu aðeins mjúkan klút. Skiptu um hitaendurkastara eftir þörfum.

Ása Þorsteinsdóttir
Hulda Pálsdóttir
Helgi Sveinbjörnsson

Við vonum að þau hafi komið að góðum notum.

Um leið óskum við öllum viðskiptavinum og velunnurum Ellingsen gleðilegs árs.

Þó að kolagrillskeimurinn sé alltaf yndislegur þá eru það vissulega þægindi að geta fírað uppí gasinu og byrjað að grilla „med det samme“, verið að eins lengi og maður vill og pakkað saman á stundinni. Sitt sýnist hverjum en það sem er jákvætt í þessu öllu saman er að við höfum val. Einnig má benda á flott ferðagasgrill frá Coleman sem er stærra en hitt en ber sama eiginleika og öll önnur ferðagrill, að vera handhægt.

Innihald Smellugaskútanna þ.e.a.s. gasið er það sama og verið hefur í notkun á Íslandi í gegnum tíðina eða svokallað própan gas og engin breyting þar á. Munurinn á Smellugaskútunum og kútunum frá Gasfélaginu sem Olís seldi áður er hinsvegar sá að á Smellugaskútunum er hálsinn gerður fyrir aðra tegund af þrýstijafnara sem er smellt á kútinn í stað þess að vera skrúfaður á hann.

Þetta kerfi þekkja margir Íslendingar því það var notað hér á landi áður fyrr ásamt því skrúfaða.

Mikið kynningarstarf er hafið á Smellugasinu og þeim fjölgar sífellt fagurgrænu Smellugaskútunum sem sjá má við grill landsmanna. Einnig hafa eigendur ferðatækja sem og annarra gasnotenda tekið vel í Smellugasið og skipta nú yfir í nýja kerfið. Smellugasið er selt á þjónustustöðvum Olís um allt land en hér má staðsetningu þeirra.

Í sumar er 25% afsláttur af gasinnihaldi og 20% afsláttur af Smellugaskútunum. Eldri kútar verða að sjálfsögðu teknir upp í nýja Smellugaskúta en verðlista má sjá hér.

Við bendum áhugasömum einnig á að skoða myndband af landsliðskokkinum Hrefnu Sætran kynna Smellugas Olís.

Við erum með til sölu í Ellingsen Primus EtaPower Ef gashellu sem selst um allan heim eins og heitar lummur og margrómuð í tímaritum sem fjalla um útivist. Í vörulýsingu segir, „Primus hannaði EtaPower Ef trail settið sem léttari valkost fyrir ferðalanga. Fyrirrennari hans fékk Editor´s verðlaun 2007 hjá Backpackers Magazine en var eilítið þyngri. Frábær hönnun til að ferðast með og ótrúlega léttur eða 775 gr. Kemur með „magnetu“ til að kveikja með. Brennarinn gefur hámarks nýtingu á gasinu. Gashylki er skrúfað í. Vindhlíf fylgir og 1.7 lítra pottur. Þetta er s.s einn sá léttasti fyrir bakpokaferðina og er fínn fyrir 2-3. Fljótur, stöðugur og léttur“.

Hér að neðan er myndband sem Primus hefur gert um þessa vöru. Í því er farið yfir ágæti vörunnar og byltingakennda hönnun hennar sem gerir það að verkum að gasið endist mun lengur en í venjulegum gashellum.

En fánann okkar ber að fara með virðingu og stolti. Hér að neðan er farið í fánareglur okkar, meðferð fánans, fánadaga og fróðleik um liti fánans og hvaða reglur gilda með fánaveifur og vimpla.

Fáninn okkar er svokallaður krossfáni eins og fánar allra hinna Norðurlandanna. Hann er heiðblár með mjallhvítum krossi og eldrauðum krossi innan í hvíta krossinum. Hlutföllin í litum fánans eru, talið lárétt frá stöng: 7-1-2-1-14, en lóðrétt meðfram stöng eru þau 7-1-2-1-7. Þannig er breidd fánans 18/25 af lengd stangar hans samkvæmt 1. grein fánalaga.

Samkvæmt fánalögum verða allir fánar dregnir á fánastöng að vera í góðu ástandi, lögreglan má gera upptæka alla fána sjáanlega á opinberum stöðum sem ekki samræmast íslenskum fánareglum. Ströng lög gilda um þá virðingu sem sýna ber þjóðfána Íslendinga og getur það varðað sektum eða fangelsi allt að einu ári að brjóta fánalögin.

Litirnir í íslenska fánanum tákna fjallablámann, ísinn og eldinn en það virðist útbreiddur misskilningur að blái liturinn tákni annað hvort hafið sem umkringur landið eða vötnin sem eru á landinu sjálfu. Hann táknar í raun fjallablámann en rauði liturinn táknar eldinn í iðrum landsins og sá hvíti ísinn á toppum þess.

Fánareglur fyrir íslenska fánann

Þegar ákveðið er að versla fána og stöng þarf að hafa í huga reglur um íslenska fánann. Það þarf að vera rétt hlutföll fána og stangar, fánatími og ákveðnir fánadagar er tilgreindur í lögum, hvernig skal draga fána í hálfa stöng og síðast en ekki síst meðferð fánans. Vel með farinn íslenskur fáni er jú stolt okkar og berum við skyldur gagnvart honum ekki síður en skyldur til samfélagsins í heild.

Nú skulum við draga fram útskýringar á fánareglum.

Hlutföll fána og stangar.

Það er æskileg viðmið að lengd fánastangar sé 5 sinnum breidd fánans þegar stöngin er reist fá jörðu, 3 sinnum breidd fánans ef stöngin er á húsþaki, 2 1/2 sinnum breidd fánans ef hún er skáhalt út frá húsvegg. Stöng sem myndar rétt horn við húsvegg er tvöföld að breidd fánans. Fánastengur skulu vera einlitar.

Fánatími

Ekki skal draga fána á stöng fyrr en klukkan sjö að morgni og skal hann að jafnaði ekki vera lengur uppi en til sólarlags, og aldrei lengur en til miðnættis. Ef flaggað er við útisamkomur, opinberar athafnir, jarðarfarir eða minningarathafnir, má fáni vera uppi lengur en til sólarlags eða svo lengi sem athöfn varir en þó aldrei lengur en til miðnættis. Það er öllum heimilt að nota hinn almenna þjóðfána enda sé farið að lögum og reglum sem um hann gilda. Fánann má nota við öll hátíðleg tækifæri, hvort sem er í einkalífi eða ekki eða á sorgarstundum. Þá skal draga fánann í hálfa stöng. Það er æskilegt að almenningur dragi íslenska fánann á stöng eftirtalda daga en samkvæmt úrskurði forseta íslands frá 23. janúar 1991, skal draga fána á stöng eftirtalda daga við opinberar byggingar / stofnanir.

1.  Fæðingardag forseta íslands

2.  Nýársdag

3.  Föstudaginn langa

4.  Páskadag

5.  Sumardaginn fyrsta

6.  1. maí

7.  Hvítasunnudagur

8.  Sjómannadagur

9.  17. júní

10. 1. desember

11.  Jóladag

Á þessum fyrrgreindum dögum skal draga fána að hún, nema á föstudaginn langa, þá skal draga í hálfa stöng.

Fáni í hálfa stöng

Þegar draga á fána í hálfa stöng er hann fyrst dreginn að hún og síðan felldur þannig að 1/3 hluti stangarinnar sé fyrir ofan efri jaðar fánans. Við jarðarför eða aðra sorgarathöfn skal fáninn dreginn að hún þegar athöfninni er lokið og skal fáninn blakta þar til fánatíma lýkur.

Meðferð fánans

Alltaf skal gæta þess þegar fáni er dreginn á stöng eða dreginn niður, að hann snerti ekki jörð, vatnsyfirborð eða gólf. Fánalína þarf að vera strengd svo að fánajaðar liggi ávallt við stöng. Alltaf skal ganga frá fána eftir notkun. Þá er hann brotinn í fernt eftir endilöngu og vafinn upp þannig að einungis blái liturinn snúi út og línan hnýtt utan um fánann. Fáninn skal ávallt geymdur á öruggum stað.

Ef fáni hefur blotnað skal þurrka hann áður en hann er brotinn saman til geymslu. Þegar fáni á stöng er hafður við altari, ræðustól eða ræðuborð, á leiksviði eða þessháttar, skal hann ávallt vera vinstra megin séð frá áhorfanda.

Séu fánarnir tveir skulu þeir vera sitthvoru megin. Aldrei má sveipa þjóðfánanum utan um ræðustól né að hafa hann framan á ræðustól. Ekki má nota fánann til að sveipa utan um hlut sem á að afhjúpa t.d styttu eða hverskonar annan hlut. Aldrei má nota þjóðfánann sem borðdúk eða gólfábreiðu. Þegar íslenski fáninn er í röð annarra þjóðfána, skal sá íslenski vera lengst til vinstri séð frá áhorfenda eða þegar komið er að fánastað. Öðrum fánum skal raða frá hægri íslenska fánanum í stafrófsröð eftir íslenskum heitum hluteigandi ríkja. Ef þjóðfánanum sé hvirfilraðað, má íslenski fáninn vera í miðju milli hinna fánanna. Ef ekki er hægt að draga alla fánana samtímis skal draga þann íslenska upp fyrst og síðast niður. Ekki má setja fleiri en einn íslenskan fána í hverja röð. Ef íslenski fáninn sé í röð annarra en þjóðfána skal hann vera til vinstri séð frá áhorfenda. Það má ekki raða merkjum, fánum sveitafélaga, fyrirtækja eða auglýsingafánum inn á milli þjóðafána ( í fánaborg). Slíkir fánar skulu hafðir í röðum eða þyrpingum aðskildir frá þjóðfánum. Heimilt er ef heiðra skal við sérstakt tækifæri ákveðna erlenda þjóð eða miliríkjastofnun að hafa fána slíkst aðila milli íslenska þjóðfánans og þess þjóðfána sem ætti að vera honum næstur. Það má aldrei vera með tvo þjóðfána á sömu stöng. Þegar hengja á íslenska fánann og erlendan þjóðfána á vegg á stöngum sem liggja í kross, skal íslenski fáninn vera til vinstri séð frá áhorfenda og stöng hans yfir stöng hins fánans.

Þegar þjóðfáni er sveipaður líkkistu skal krossmarkið vera við höfuðlag og skal leggja neitt ofan á fánann. Hvorki má kasta rekunum í fánann né láta hann síga niður í gröf.

Ekki skal draga fána á stöng sé hann upplitaður, óhreinn, trosnaður eða skemmdur að öðru leyti. Skemmdan fána ber að lagfæra strax, að öðrum kosti skal hann ónýttur með því að brenna hann.

Fánaveifur eða vimplar

Ekki gilda neinar reglur um fánaveifur eða vimpla að öðru leyti en að ætið skal nota rétta fánaliti í þær. Réttu fánalitir eru “heiðblár, eldrauður og mjallhvítur”

eða samkvæmt aljóðalegum staðli SCOTDIC – litastiganum;

SCOTDIC nr. 693009 (heiðblár)

SCOTDIC nr. 95. (mjallhvítur)

SCOTDIC ICELAND FLAG RED. (eldrauður)

Þetta litakerfi er eingöngu átt við í vefnaði.

Í CMYK kerfi er notað;

Blár: CMYK 100-69-0-11.5

Rauður: CMYK 0-94-100-0

Hér er hægt að lesa um sögu fánans

Hér er íslenski fáninn á Ellingsen.is

Starfsfólk Ellingsen afgreiðir fána og fánastangir með stolti og virðingu og hvetur viðskiptavini að flagga þjóðfánanum hvenær sem tilefni er til.

Ásbjörn Þór Ásbjörnsson