Úlpan sem dugar alla leið
Birt: 21/10 2010
Úlpan sem dugar alla leið
Í Ellingsen má nú finna eina flottustu og merkustu úlpuhönnun seinni tíma í dúnúlpunni Alaskan, sem sameinar allt sem þarf til dugandi og þægilegrar útivistar á vetrum.
Í Ellingsen má nú finna eina flottustu og merkustu úlpuhönnun seinni tíma í dúnúlpunni Alaskan, sem sameinar allt sem þarf til dugandi og þægilegrar útivistar á vetrum.
„Nýja Alaskan-dúnúlpan frá Columbia er eina sanna vetrarúlpan í ár, enda tímamótaflík að öllu leyti og nokkuð sem enginn annar úlpuframleiðandi getur státað af,“ segir Ásbjörn Þór Ásbjörnsson, sölumaður í Ellingsen, sem einnig er margreyndur björgunarsveitarmaður og veit hvernig flíkur þurfa að vera til að duga á fjöllum og í íslensku vetrar- og vonskuveðri.
„Alaskan hefur hvorki meira né minna en 700-fill power dúnfyllingu, en algengt er að góðar dúnúlpur séu með 400 til 500-fill power. 700 er frábært því „fill power“ er mælikvarði á rúmmál dúns miðað við þyngd. Því hærra fill power, því betri er dúnninn, því hver þyngdareining gefur meiri einangrun. Dúnn með hátt fill power er auk þess endingarbetri og nánast lífstíðareign með réttri meðhöndlun,“ segir Ásbjörn.
Flokkur: Fatnaður | Efni: Columbia, Devold, Föt, Gönguföt, Klæðnaður, Öndunarföt, Útivist, Útivistarföt | 2 Athugasemdir »
Endurhleðsluvörur frá Hornady
Birt: 14/10 2010
Ellingsen hefur nú fengið umboð fyrir Hornady hér á landi. Bandaríska fyrirtækið Hornady er einn fremsti framleiðandi byssukúlna, skotfæra og endurhleðsluvara fyrir skotveiðimenn og þá sem stunda skotfimi með rifflum og skammbyssum. Lock-N-Load línan af endurhleðsluvörum hefur skipað Hornady í fremstu röð á sínu sviði.
Hjá Ellingsen fæst nú fjölbreyttur tækjabúnaður frá Hornady sem þarf að nota við endurhleðslu svo sem hleðslusett með öllu því sem þarf til að byrja. Einnig stakar hleðslupressur, rafmagnsvogir og púðurskammtarar, bæði sjálfvirkir og handvirkir. Verðið er einkar hagstætt. Til dæmis má nefna að rafknúinn sjálfvirkur púðurskammtari, Lock-N-Load Auto Charge, kostar nú minna en sambærilegur skammtari frá öðrum framleiðanda kostaði hjá okkur fyrir hrun! Þá kostar byrjendasett frá Hornady mun minna en byrjendasett frá öðrum bandarískum framleiðanda sem við höfum selt.
Við bjóðum upp á mikið úrval af mótum fyrir skothylki (dies) frá Hornady, “trimmara” til að stytta skothylki sem hafa lengst úr hófi við endurtekna notkun. Þessum tækjum fylgja stýringar (pilot) fyrir algengustu hlaupvíddir og við eigum einnig stýringar fyrir margar sjaldgæfari hlaupvíddir.
Þá eigum við tengur til að setja hvellhettur í hylki, tæki til að ná kúlum úr hlöðnum skothylkjum, viðhaldssett fyrir mótin (dies) og flestan annan fylgibúnað með hleðslusettunum.
Hornady framleiðir vönduð skothylki og eigum við á lager hylki í flestum algengustu skothylkjastærðum, þar á meðal sérlega vönduð hylki til markskotfimi sumum stærðum.
Hér að neðan má sjá myndband um sögu Hornady. Þeir eru með flotta YouTube vefsíðu sem hægt er að heimsækja með því að smella hér.
Flokkur: Skotveiði | Efni: byssukúlur, endurhleðslusett, endurhleðsluvörur, Hornady, skotfæri | Engar athugasemdir »